Ad günü biabırçılığı: Müğənni Musa Musayevin burnunu qırdılar
2 Noyabr 2014 21:00 (UTC+04:00)
Tanınmış müğənniArzu Mələyin paytaxt
restoranlarının birində ad günü mərasimi keçirilib.
Movqe.Az publika.az-a istinadən bildirir ki, mərasim sonda
xoşagəlməz hadisə ilə başa çatıb.
Belə ki, tanınmış müğənniMusa
MusayevləNazəninin
prodüseriPərvizin sözü çəp gəlib. Nəticədə
tərəflər yumruq davasına çıxıblar. Bir-birini al-qana qərq edən
müğənni və prodüseri zorla sakitləşdiriblər.
Davaya isə Nazəninin prodüserinin Musa Musayevi söyməsi səbəb
olub.
MüğənniTəranə Qumralbir müddət sonra həyat yoldaşı
Musa Musayevin Nazəninin prodüseri Pərvizlə əlbəyaxa davasından
danışıb. Sənətçi publika.az-a açıqlamasında baş verənləri belə izah
edib:
"Neçə vaxtdır bizimlə ədavət aparırlar. Bilmirəm, bölə bilmədikləri
nələri var. Yalları artıq düşüb, yoxsa pulları? Nazəninin bir
prodüseri var. Heç bilinmir ki, qadındır, yoxsa kişi. Özünü
bilmirəm, nə yerə qoyub? Kimin çantasını daşıyırsan, get, daşı da.
Bizimlə nə işin var? Öz İnstagram profilində nalayiq sözlər yazıb
şəklimizn altına. Ağrımayan başımıza dəsmal bağlayırlar. Məclisdə
oturmuşduq, Nazəninin podüseri Pərviz söyüş elədi, Musa da onu
vurdu. Sonra ara qarışdı, o, bunu, bu da onu vurdu. Mən də Musanı
götürüb gəldim evə".
Təranə Qumral bildirib ki, davada Musa Musayev burnundan xəsarət
alıb:
"İstəsəm, bu dəqiqə təcili yardım çağıraram. Amma pislik etmək
istəmirəm. İmkan vermirlər ki, rahat oturaq. Allah bunlara bildiyi
kimi çəkdirsin. Nə istəyirlər bizdən? Musanın burnu partlayıb.
Pərvizin xəsarətlərindən xəbərim yoxdur. Ümumiyyətlə, davaya
qarışmadım, heç yaxın da durmadım. Hamı da gördü. Oturduğum yerdən
tərpənmədim".
Aldığımız məlumata görə, tərəflər arasında əvvəllər də ədavət olub.
"İnstagram" səhifəsində Nazəninin prodüseri Musa Musayevi təhqir
edib.