Dilqəmdən daha bir mərdlik (VİDEO)

5 Noyabr 2014 16:00 (UTC+04:00)
Kəlbəcərdə girov götürülən Dilqəm Əsgərov və Şahbaz Quliyevin növbəti "məhkəmə" prosesi olub. ANS PRESS-in məlumatına görə, "proses" işğal altında olan Xankəndidə keçirilib. 

Qondarma məhkəmənin ittiham edilənlərindən olan Dilqəm Əsgərov bu dəfə ifadə verməkdən imtina edib. O, lazım olan hər şeyi ilkin istintaqda dediyini xatırladaraq suallar olarsa prokurordan soruşmalarını bildirib. 

Qeyd edək ki, "məhkəmə"də bu dəfə də azərbaycanlı girovların başı üzərində üzü maskalı şəxslər dayanıb. Onlar ötən dəfəkindən fərqli olaraq gödəkçədə olublar. 

Xatırladaq ki, azərbaycanlı girovlar iyulun 2-də Kəlbəcərdə ermənilər tərəfindən girov götürülüblər. Onlar doğmalarının məzarlarını ziyarət etmək üçün işğal edilən Kəlbəcərə gediblərmiş.