Yaşı 30-dan çox olan və kosmetikasız qadınlar maşın sürə biləcəklər
8 Noyabr 2014 18:14 (UTC+04:00)
Səudiyyə Ərəbistanı hökuməti ölkənin məşvərət orqanından qadınların
avtomobil idarə etməsi qadağasının qismən ləğvi ilə bağlı təklif
alıb.
Movqe.az Milli.Az-a istinadən xəbər verir ki, məlumatı "Associated
Press" yayıb.
Hökumət təklifləri qəbul etsə, qadınların avtomobil idarə etməsinə
bir sıra məhdudiyyətlər tətbiq olunacaq. Yaşı 30-dan çox olan
qadınlar sükan arxasına keçə biləcəklər. Amma gündüz saatlarında və
kosmetikasız.
Qeyd edək ki, Səudiyyə Ərəbistanında qadınların maşın sürməsinə
qoyulan qadağanın dünyada analoqu yoxdur. Ultramühafizəkarlar hesab
edirlər ki, əgər qadınlar avtomobil idarə etsələr, bu,
əxlaqsızlığın yayılmasına səbəb ola bilər.