Azad Suriya Ordusu və peşmergə güclərinin Kobanidəki özünü müdfiə dəstələrinə yardıma gəlsə də, İŞİD-in hücumlarını dəf etməkdə aciz qalıblar.
Movqe.az publika.az-a istinadən xəbər verir ki, hər gün şəhəri iri çaplı silahlardan atəşə tutan terrorçular kürdlərin müqavimətini sındırmağa çalışır. Ötən gündə İŞİD-in atdığı toplar şəhərdə dağıntılara səbəb olub. Bir neçə nəfərin həlak olduğu bildirilir.
Kobanidəki son vəziyyət haqqında BBC-yə açıqlama verən şəhərin müdafiə yetkilisi İsmət Şeyx Həsən ötən gecədən atışmanın intensivləşdiyini deyib.
Onun sözlərinə görə, əsasən şəhərin cənub və şərq cəbhəsində gedən döyüşlərdə 6 nəfər həlak olub. Bundan başqa 2 müki şəxs İŞİD-in atdığı top mərmisindən həyatla vidalaşıb, 4 nəfər yaralanıb. O, bu döyüşlərdə 30 terrorçunun məhv ediliyini deyib.