Bakıda basqın hazırlayan silahlı dəstə zərərsizləşdirildi
11 Noyabr 2014 13:46 (UTC+04:00)
Bakıda silahlı basqının qarşısı
alınıb. Bakı şəhər Baş Polis
İdarəsindən ANS PRESS-ə verilən məlumata görə, Cinayət Axtarış
İdarəsi, Yasamal rayon Polis İdarəsi 29-cu polis bölməsinin
qabaqlayıcı, təxirəsalınmaz əməliyyat-axtarış tədbirlər
keçuirib. Keçirilən tədbir nəticəsində
noyabrın 10-na keçən gecə, Neapol küçəsində yaşayan vətəndaşa qarşı
silahlı basqın törətməyə hazırlaşan şəxslər müəyyən
edilib.Əməliyyat tədbirələri nəticəsində
basqına hazırlaşmaqda şübhəli bilinən – Bakı şəhər sakinləri –
1986-cı il təvəllüdlü Rahib Hüseynov, əvvəllər məhkum olunmuşlar –
1967-ci il təvəllüdlü Elşən Rəhimov, 1977-ci il təvəllüdlü Natiq
Yusifov, 1991-ci il təvəllüdlü Nahid Allahverdiyev və 1981-ci il
təvəllüdlü C.İsmayılov tutulub.
Keçirilən ilkin əməliyyat-istintaq tədbirlərilə
E.Rəhimovdan 0,175 qram heroin, 1 cüt əlcək, soyuq silah kimi
istifadəsi nəzərdə tutulan 1 ədəd bıçaq, N.Yusifovdan 0,176 qram
heroin, soyuq silah kimi istifadəsi nəzərdə tutulan 1 ədəd bıçaq,
N.Allahverdiyevdən 0,178 qram heroin, 1 ədəd "Baykal" MK 654
markalı pnevmatik tapança, soyuq silah kimi istifadəsi nəzərdə
tutulan 1 ədəd beşbarmaq, maska tipli 1 ədəd gözlük açılmış papaq,
R.Hüseynovdan 0,170 qram heroin, soyuq silah kimi istifadəsi
nəzərdə tutulan 1 ədəd bıçaq, maska tipli 1 ədəd gözlük açılmış
papaq, C.İsmayılovdan 0,161 qram heroin və , soyuq silah kimi
istifadəsi nəzərdə tutulan 1 ədəd bıçaq götürülüb.