AXCP üzvü yol qəzasında ölüb
14 Noyabr 2014 20:35 (UTC+04:00)
Bakıda ağır yol qəzası baş
verib.
Movqe.Az-ın Daxili İşlər Nazirliyinin mətbuat
xidmətinə istinadən verdiyi məlumata görə, hadisə Sabunçu rayonunun
Maştağa qəsəbəsində qeydə alınıb.
Belə ki, Bakı şəhər sakinləri Teymur Sağıyevin
idarə etdiyi "QAZ-3302" və Emin İbrahimovun idarə etdiyi
"VAZ-21154" markalı avtomobillər toqquşub.
Qəza zamanı E.İbrahimov və 1 sərnişini xəstəxanaya
yerləşdirilib. Həkimlər onun həyatını xilas edə bilməyibər.
E.İbrahimov dünən xəstəxanada ölüb.
Faktla bağlı araşdırma aparılır.
Qeyd edək ki, Emin İbrahimov Azərbaycan Xalq
Cəbhəsi Partiyasının (AXCP) Gənclər Komitəsinin
üzvüdür.
AXCP-nin Gənclər Komitəsinin sədri İlham Hüseyn
APA-ya faktı təsdiqləyib.