Bakıda zavodda partlayış - ölən var
20 Noyabr 2014 20:48 (UTC+04:00)
Yasamal rayon prokurorunun köməkçisi Şahin
İmanovun anspress-ə verdiyi məlumata görə, hadisə Azon zavodunda
baş verib.
Belə ki, dünən saat 13 radələrində həmin zavodda
çilingər işləyən 1993-cü il təvəllüdlü Əhməd Nəsrəddin oğlu Bağırov
soyuducu kompressorun partlaması nəticəsində xəsarət alıb.
Sinəsindən aldığı xəsarətdən Ə.Bağırov iş yerindəcə
ölüb.
Faktla bağlı Yasamal Rayon Prokurorluğunda Cinayət
Məcəlləsinin 162.2-ci (əmək mühafizəsi qaydalarını pozma,
ehtiyatsızlıqdan insan ölümünə səbəb olduqda) maddəsi ilə cinayət
işi başlanıb.
Araşdırmalar davam etdirilir.