Şöhrətpərəst – başqalarını sevə bilməyən, sevilmək üçün gözə girən, əldən-ayaqdan gedən.
***
Şəhvətpərəst – cinsi istismar yaradan, cinsi istismara yarayan.
***
İnsan iki halda yırtıcılaşır, azğınlaşır: aşırı toxluqdan və aşırı aclıqdan.
***
Yaradan – yarayandır, yarıyandır.
***
Yarıdan – yaradandır, yarıtmaz – yaratmayandır.
***
Təbiət yaradandır, ona görə yaratdığına yarayandır.
***
İnsan yaradandır – yaratdığı hər şeyə yarayandır.
***
İnamsızlıq – idrakın azması, çaşmasıdır.
***
Varlının milləti olmur.
***
Bugünü yaşayan – həmişə çağdaşlığı yaşayır: bu gündən qıraqda çağdaşlıq yoxdur.
***
İnsan yaşadığı sürəcə – çağdaşdır.
***
Olan – çağdaşdır, ölən – çağ dışı.
***
Var olmaq – çağdaş, çağla bir olmaqdır; yox olmaq – çağdan ayrılmaqdır, özünü və çağı itirməkdir.
***
İdrak aydınlaşanda – inam alovlanır.
***
İnam – özünə və başqasına insani yanaşmadır.
***
Təbiət bizə yaşamaq haqqı verir, toplum həmin haqqı əlimizdən alır.
***
Atamız var olsun!