Çin rublu dirçəltdi
25 Noyabr 2014 17:05 (UTC+04:00)
Avropa Mərkəzi Bankı ve Çin Xalq Bankının verdiyi
qərarlar rus rublunun güclənməsinə təkan
verdi.
ANS TV-nin məlumatına görə, dolların kursu iki
həftə öncə 48 rubldan artıq idisə indi bu rəqəm 45 rubldan da
aşağıdır. Dövlət Dumasının Maliyə Komitəsinin sədri Sergey Savelyev
rublun kursunun bazar şərtlərinə görə müəyyənləşəcəyini
deyir.
"Rublun birdən-birə bu qədər dəyər itirməsi bəzi
spekulyasiyalar nəticəsində baş vermişdi. Bunların qarşısı
alındıqdan sonra rublun kursu tənzimlənməyə başlandı. Hökumət
olaraq rublun güclənməsi üçün əlavə səylərimiz yoxdur. Bu tamamilə
bazar şərtlərinə görə müəyyənləşir. Əlbətdəki neftin qiyməti rublun
xarici valyuta qarşısındakı dəyərini də müəyyənləşdirəcək", - deyə
Sergey Savelyev qeyd edib.
Neftin qiymətinin ucuzlaşmasının Rusiya büdcəsinə
verdiyi ziyanın artıq 140 milyard dolları keçdiyi
bildirilir.