Azərbaycan Təhsil Nazirliyi 2012-2013-cü tədris ili üçün "2007-2015-ci illərdə Azərbaycan gənclərinin xarici ölkələrdə təhsili üzrə Dövlət Proqramı" çərçivəsində təhsil almaq məqsədilə prioritet istiqamətləri açıqlayıb. Təhsil Nazirliyindən çərşənbə axşamı verilən məlumata görə, növbəti tədris ili üçün 12 prioritet istiqamət qəbul edilib. Həmin istiqamətlər biologiya, fizika, informasiya texnologiyaları, kənd təsərrüfatı, kimya, qədim dillər, mühəndislik, nanotexnologiya, neft sənayesi, riyaziyyat, tibb və turizmdir. Bu istiqamətlər Azərbaycanın kadrlara olan tələbatını nəzərə almaqla müəyyənləşdirilib.