Turşu bir ailəni xəstəxanalıq etdi
27 Noyabr 2014 15:55 (UTC+04:00)
Ağcabədi rayonunda zəhərlənmə faktı qeydə
alınıb.
ANS PRESS-in Daxili İşlər Nazirliyinə istinadla
verdiyi məlumata görə, hadisə bu gün Ağcabədi rayonunun
İmamqulubəyli kəndində baş verib.
Belə ki, kənd sakinləri Leyla Zeynalova, oğlu
Babək, qızı Aytən və qohumu Malik Zeynalov pomidor turşusundan
zəhərləniblər.
Ailə üzvləri təcili olaraq yaxınlıqdakı
xəstəxanaya gətiriliblər.
Faktla bağlı araşdırma aparılır.
Xatırladaq ki analoji hadisə bir necə gün qabaq
Tovuz rayonunda da baş vermişdi.
Tovuz rayon mərkəzi xəstəxana baş həkimin müavini
Sayad Yusifovun ANS PRESS-ə verdiyi məlumata görə, hadisə rayonun
Yuxarı Öysüzlü kəndində baş verib.
Kəddə yaşayan Xəqani Yusifov, həyat yoldaşı və 5
övladı pomidor turşusundan zəhərlənmişdi.