Londonun “Straford” stadionunda XXX Yay Olimpiya Oyunlarının rəsmi açılış mərasimi keçirilib
28 İyul 2012 11:13 (UTC+04:00)
APA-nın verdiyi xəbərə görə, London
Olimpiadasında 204 ölkədən 10500 idmançı 302 medal dəsti uğrunda
mübarizə aparacaq. Yarışlar 36 idman növü üzrə
keçiriləcək.
Olimpiadanın ilk qalibi bu gün 10 m məsafəyə pnevmatik tüfəngdən
atəş açma növündə müəyyənləşəcək.
Xatırladaq ki, London Olimpiadaya 3-cü dəfə ev sahibliyi edir.
Britaniyanın paytaxtında 1908 və 1948-ci illərdə Olimpiada oyunları
keçirilib.
XXX London Olimpiadasında Azərbaycan rekord sayda - 53 idmançı ilə
15 idman növü üzrə təmsil olunub. Bunlardan 39-u kişi, 14-ü
qadındır. Azərbaycan idmançılarının əsasən boks, güləş, cüdo,
ağırlıqqaldırma, taekvondo, bədii gimnastika, kanoe və akademik
avarçəkmə idman növləri üzrə medal qazanması
ümidvericidir.
Azərbaycan Yay Olimpiya Oyunlarına müstəqil ölkə kimi 5-ci dəfədir
qatılıb.