Azərbaycan paytaxtında məcburi köçkünlərin məskunlaşdığı yataqxanada yanğın başlayıb
1 Avqust 2012 14:37 (UTC+04:00)
Bakıda məcburi köçkünlərin məskunlaşdığı
yataqxanada yanğın başlayıb. Fövqəladə Hallar Nazirliyinin Dövlət
Yanğından Mühafizə XidmətindənAPA-ya verilən məlumata görə,
hadisə Binəqədi rayonu, Dərnəgül qəsəbəsində, "Ramin" şadlıq evinin
yaxınlığında yerləşən məcburi köçkünlərin məskunlaşdığı yataqxanada
qeydə alınıb. Hadisə yerinə 5 yanğınsöndürən maşın cəlb edilib.
Hazırda yanğının qarşısının alınması istiqamətində tədbirlər davam
etdirilir.
Binəqədi rayon Polis
İdarəsindən APA-ya verilən məlumata görə, yanğın baş
verən yataqxananın sakinləri evakuasiya
edilib.
Məlumata görə, yanğın yataqxananın 3-cü
mərtəbəsində yerləşən mənzillərdən birində meydana gəlib.
Yataqxanadakı sakinlərin hamısı evakuasiya
edilib.
APA-nın hadisə yerində olan əməkdaşının verdiyi məlumata görə,
yanğın 14-cü Aşırım küçəsində yerləşən 5 mərtəbəli yataqxana
binasının yuxarı mərtəbələrində meydana
gəlib.
Binəqədi rayon İcra Hakimiyyətinin başçısı
Xaləddin İsgəndərov jurnalistlərə açıqlamasında deyib ki, yanğının
səbəbləri araşdırılacaq. Hazırda yanğının səbəbləri məlum
deyil.
Hadisə yerinə 10-dan çox yanğınsöndürmə briqadası
cəlb olunub. Yanğının söndürülməsi istiqamətində tədbirlər davam
etdirilir. Hadisə zamanı xəsarət alan olmayıb.