İŞİD terror təşkilatı dəhşətli edam aktı həyata keçirib.Movqe.az xəbər verir ki, APA TV-nin məlumatına görə, edam terrorçuların nəzarətində olan Rakka vilayətinin Tal Abyad şəhərində gerçəkləşdirilib. Homoseksuallıqda ittiham olunan 50 yaşlı şəxs gözləri bağlanmış şəkildə çoxmərtəbəli binanın damına çıxarılıb, ona ittiham elan olunub, daha sonra maskalı şəxslər həmin adamı yerə atıblar. Zərblə yerə dəyən suriyalı sağ qalsa da, əhali onu daşqalaq edərək öldürüblər. Londonda yerləşən Suriya İnsan Haqları Mərkəzi faktı təsdiqləyib. Xatırladaq ki, ötən ay İŞİD terror təşkilatı daha iki analoji edam aktı həyata keçirmişdi.