ABŞ dövlət katibi Con Kerrinin Ukraynaya səfəri başlayıb
Movqe.az xəbər verir ki, APA-nın Ukrayna saytlarına istinadən verdiyi məlumata görə, C. Kerrinin təyyarəsi bu gün yerli vaxtla saat 11:15-də Kiyevin "Borispol" hava limanına enib.
Bir günlük səfəri çərçivəsində ABŞ dövlət katibi Ukrayna prezidenti Pyotr Poroşenko, baş nazir Arseni Yatsenyuk, xarici işlər naziri Pavel Klimkin və Ali Radanın deputatları ilə görüşəcək.
C. Kerri daha sonra fevralın 6-8-də keçiriləcək 51-ci Münhen təhlükəsizlik konfransına qatılmaq üçün Almaniyaya yola düşəcək.