Azərbaycanlı müğənni Elnur Hüseynov "O səs Türkiyə"nin final həftəsinə vəsiqə qazanıb. Movqe.az xəbər verir ki, Ebru Gündeşin komandasında yarışmağa davam edən Elnur bu dəfə "Exogenesis" simfoniyasından bir parça səsləndirib. Mazhar-Özkan cütlüyünün və Hadisənin yarışmaçıları ilə səhnəyə çıxan həmyerlimiz tamaşaçı səsverməsi nəticəsində üçlüyün birincisi olub. Qeyd edək ki, TV8 telekanalında Acun İlicalının aparıcı olduğu səs yarışmasının münsiflər heyətində məşhur müğənnilər Ebru Gündeş, Hadisə, Mazhar-Özkan cütlüyü və Gökhan Özoğuz yer alır.