ABŞ suriyalılara qucaq açır
14 Fevral 2015 13:15 (UTC+04:00)
Amerika Birləşmiş Ştatları (ABŞ) rəsmisi suriyalı qaçqınlara
yaşayış haqqında icazə verdiklərni açıqlayıb.
Movqe.az-ın Milli.az-a istinadən məlumatına görə, ABŞ Dövlət
Departamentinin sözçüsü Cen Psaki bu il min, iki min suriyalıya
daimi yaşayış barədə icazə verəcəklərini bildirib. O, bu barədə
ötən gün keçirilən brifinqdə səsləndirib.
"ABŞ izah edilməsi çətin olan qorxu və zülmlərdən qaçan mültəcilərə
sahib çıxmaq məsələsində güclü və dərin ənənəyə sahib bir ölkədir",
- deyə C.Psaki qeyd edib.
Toplantıda həmin qaçqınların içərisində hansısa terrorçunun ölkəyə
daxil olma ehtimalı barədə soruşulub. Psaki isə bu prosedurların
qısa müddətdə baş vermədiyini, qəbul edilən bütün vətəndaşların
araşdırıldığını nəzərə çatdırıb.