Türkiyənin Suriya ilə sərhədində, Şanlıurfadakı keçid məntəqəsində bomba partlayıb.
Movqe.az-ın publika.az-a istinadən məlumatına görə, partlayış nəticəsində bir neçə mülki şəxs və polis əməkdaşı yaralanıb.
Şanlıurfa valisi İzzettin Küçük deyib ki, partlayış, keçid-yoxlama məntəqəsinin yaxınlığındakı zibil qutusunda baş verib. Onun sözlərinə görə, üç nəfər, o cümlədən bir polis işçisi xəsarət alıb.
Sözügedən keçid məntəqəsi Suriyanın Kobani şəhərindən 10 km məsafədə, şimalda yerləşir.