Ermənistan Milli Konqresinin lideri
və ölkənin sabiq prezidenti Levon Ter-Petrosyan Serj Sərkisyanı
təkbətək görüşə çağırıb.
Movqe.az Ermənistan mətbuatına istinadən xəbər verir
ki. Petrosyanın bununla bağlı "Çorrord İşaxnutyun" qəzetində geniş
məqalə dərc edilib. Petrosyan opponentini "erməni soyqırımının 100
illiyi ilə bağlı qəbul edilən "Ümumerməni bəyannaməsi"nin qəbuluna
görə sərt tənqid edib və onu buna görə təkbətək görüşə
çağırıb.
"Ümumerməni bəyannaməsi" beynəlxalq hüququn normalarına uyğun qaydada redaktə olunmalıdır.
Çünki bu utanc dolu bəyannamə bizə beynəlxalq birliyin rəğbətini deyil, həmin rəğbətin itirilməsinə səbəb olacaq. Buna görə də müəyyən etdiyiniz vaxtda və yerdə sizinlə təkbətək görüş keçirmək istəyirəm.
"Ümumerməni bəyannaməsi"nin bütün bəndlərini yenidən
gözdən keçirməli və bununla bağlı konstusion şura
yaratmalıyıq".
Serj Sərkisyanın görüşə verdiyi reaksiya hələlik məlum deyil.