Uşaqlarla bağlı vahid məlumat bazası yaradılır (VİDEO)
18 Fevral 2015 09:10 (UTC+04:00)
Əmək və Əhalinin Sosial Müdafiəsi Nazirliyi sosial cəhətdən həssas
qruplardan olan uşaqlarla bağlı vahid məlumat bazası yaradır. Bu
bazada sağlamlıq imkanları məhdud olan, çətin həyat şəraitində,
sosial təhlükəli vəziyyətdə yaşayan, penitensiar müəssisələrdən
azadlığa çıxan, aztəminatlı ailələrdə və digər həssas qruplardan
olan uşaqlarla bağlı məlumatlar toplanacaq. Həmin uşaqların
yerləşdikləri regionlar barədə məlumatlar da bazada əksini tapacaq.
Əmək və Əhalinin Sosial Müdafiəsi Nazirliyinin sosial təminat
şöbəsinin müdir müavini Fuad Hüseynov deyir ki, bu layihələ hazırda
beynəlxalq ekspertlər və nazirliyin əməkdaşları tərəfində birgə
hazırlanır. Nazirliyin planlarına əsasən cari ilin mart ayının
ortalarına qədər minimum standartların hazırlanması başa
çatdırılacaq. "Əsas məqsəd bu məlumat bazasından istifadə olunmaqla
sosial xidmətə ehtiyac duyan uşaqların əhatə dairəsinin, sosial
sifarişlər üzrə göstəriləcək sosial xidmətlərin həmin uşaqların
kateqoriyalarına və ehtiyaclarına uyğun konkret istiqamətlərinin
müəyyən edilməsidir. Məlumat bazası uşaqların sosial xidmətlərə
ehtiyaclarının ölkənin regionları üzrə dəqiq xəritələşdirilməsinə
də kömək edəcək. Risk qrupu altında olan uşaqların sosial məlumat
bazası əsasında formalşdırdıqdan sonra artıq biz bu bilgilərimizi
nazirlik olaraq QHT-lərə tərəfindən icra edilən layihələrə cəlb
edəcəyik. Vahid məlumat bazası həsas uşaqlara təsirinin
qiymətləndirməyə bizə imakan yaradacaq" – deyə Fuad Hüseynov
bildirib.
Nazirliyin sosial xidmətlər üzrə elan etdiyi müsabiqələrdə qalib
gəlmiş layihələr əsasında respublikanın müxtəlif bölgələrində
gündəlik qayğı və reabilitasiya mərkəzləri, sığınacaqlar
yaradılıb.
Ümumilikdə 1 500 nəfərdən çox sağlamlıq imkanları məhdud və ya
çətin həyat şəraitində olan uşaq, eləcə də onların ailələri sosial
xidmətlərlə əhatə olunub.