Bu gün "O səs Türkiyə"nin final gecəsi keçirilib. Movqe.az-ın məlumatına görə, yarışmaya qatıldığı
ilk gündən möhtəşəm səhnə performansı və güclü səsi ilə
izləyicilərin rəğbətini qazanan həmyerlimiz Elnur Hüseynov finalda
da özünəməxsus çıxışı ilə yadda qalıb.Ebru Gündeşin komandasında
yarışan həmyerlimiz ilk olaraq "O Sole Mio" opera parçasını
səsləndirib. Daha sonra o, ilk mərhələdə oxuduğu Sertab Erenerin
"Aşk" mahnısını bir daha ifa edib.İlk səsvermədən sonra Elnur qalib
"üçlük"də qalıb. İfaçı bu dəfə ilk seçim turunda ifa etdiyi "Lutch"
(Sem Smit) mahnısını yenidən oxuyub.Növbəti səsvermədə azərbaycanlı
iştirakçı son ikiliyə qalaraq qalib olmaq üçün yarışmaya davam edib
və ən nəhayət finalda "O səs Türkiyə"nin 4-cü mövsümündə
birinciliyə layiq görülüb. Xatırladaq ki, Elnur Hüseynov
"Eurovision 2008"də Samir Cavadzadə ilə Azərbaycanı təmsil etmiş
ifaçıdır.