Binəqədi rayonunda yollar qardan təmizləndi
22 Fevral 2015 13:00 (UTC+04:00)
Qarın yağması ilə əlaqədar paytaxtda bəzi yollar buz bağlasa
da, Binəqədi rayonunda yolların təmizlənməsi istiqamətində işlər
dayanmadan aparılıb. Movqe.az-ın xəbərinə görə, Binəqədi rayonunda
qarlı havada görülən işlərlə bağlı sakinlərə Binəqədi rayonunun
sosial şəbəkəsindəki hesabından məlumat verilib. Rayonda yolların
buz bağlamasının qarşısını almaq üçün qarlı bazar günündə belə
intensiv qar yağışına qarşı Binəqədi MKTB -
nin Təmizlik sahəsinin əməkdaşları bütün xidməti sahələr üzrə
profilaktik işlər görüblər. Təmizlik sahəsinin əməkdaşları Azadlıq
prospekti boyunca , Davudoğlu, S.Məmmədova və Cavadxan küçələrində
piyada səkilərini və eləcə də həyati vacib obyektlərin ətraflını
qar topalarından təmizləyiblər.
Binəqədi rayon 80 saylı MKİS- nin xidməti ərazisində S.S.Axundov və
A.Kunanbayev küçələri boyu əhalinin və nəqliyyatın daha sıx olduğu
yerlərdə qabaqlayıcı profilaktik tədbirlər görülüb.İctimai
obyektlərin və avtobus dayanacaqlarının ətrafları da qar
topalarından təmizlənib.
İntensiv yağan qarın yaratdığı problemi aradan qaldırmaq üçün 79
saylı MIKS -in işçiləri piyada səkilərini və maşın yollarını qar
topalarından təmizləmək üçün profilaktik tədbirlər görüblər.
Bu gün Binəqədi rayonu Binəqədi qəsəbə bələdiyyəsi və İcra
nümayəndəliyinin əməkdaşları DSK 4 ünvanında məcburi köçkünlərin
yaşadığı binada olmuşlar və onların qarlı havadakı şəraiti ilə
maraqlanıblar.
Havanın qarlı və şaxtalı olması ilə bağlı Binəqədi rayon İcra
Hakimiyyətinin əməkdaşları qaçqın ailələrinin evlərinə baş çəkərək
onlarla görüşərək, intensiv yağan qar zamanı qaz, işıq və su ilə
bağlı hansı problemlərinin olması barədə maraqlanıblar.
Rayonun Xocəsən qəsəbə ərazisində yağan güclü qarın fəsadları
aradan qaldırılmaqda davam edir.
Havanın qarlı və şaxtalı olması ilə bağlı nümayəndəliyin
əməkdaşları eyni zamanda Həmzə Babaşov küçəsində yaşayan qaçqın
ailələrinin evlərinə baş çəkərək onlarla görüşüblər. İntensiv yağan
qar zamanı qaz, işıq və su ilə bağlı hansı problemlərinin olması
barədə maraqlanıblar.
Rayonun Biləcəri qəsəbəsində bütün mərkəzi küçələrdə dünən axşamdan
başlayaraq texnikalar vasitəsilə yağan güclü qarın fəsadları aradan
qaldırılıb.