Oqtay Əsədov: "Manata görə nə ərzaq, nə də digər məhsulların qiyməti qalxmayacaq"

24 Fevral 2015 13:21 (UTC+04:00)

Milli Məclisdə manatın məzənnəsində dəyişiklik müzakirə olunub. Movqe.az xəbər verir ki, çıxış edən millət vəkili Vahid Əhmədov manatın devalvasiyası ilə bağlı fikirlərini açıqlayıb: "Mən çox təəssüf edirəm ki, bəzi millət vəkilləri iqtisadi əsasları bilmədən ağzına gələni danışırlar. Azərbaycanda manatın devalvasiya uğraması gözlənilən, labud idi. Lakin bunu yumşaq şəkildə etmək lazım idi, yollar var idi. Mən buna təəssüf edirəm. Mən Mərkəzi Bankın rəhbərliyi ilə mütəmadi əlaqədə olmuşam. Mənə deyiblər ki, uzağı 85-90 qəpiyə qədər devalvasiya olacaq. Ancaq onlar sözünün üzərində dürmadı. İndi bölgələrdə qiymət artımı var və bu haqda məlumatlar alırıq. Bir sıra insanlar banklardan krediti manatla deyil, dollarla götürüb. Bəzi sahibkarlar isə milyonlarla kredit götürüblər. Bu kreditlərin geri qaytarılmasında problemlər yarana bilər. Buna dəstək vermək lazımdır. Hesab edirəm ki, antiböhran proqramı hazırlanmalı və icra edilməlidir. İndi ən ciddi məsələ süni qiymət artımıdır. Devalvasiya labud idi. Ancaq bunu sakit şəkildə aparmaq lazım idi. 2014-cü ildən buna gedilsəydi, indi biz bu vəziyyətə düşməşdik". İqtisadiyyat komitəsinin sədri Ziyad Səmədzadə isə deyib ki, dünya iqtisdadiyyatında baş verən proseslər hamıya aydındır: "Neftin qiymətinin sürətlə aşağı düşməsi gərgin situasiya yaradır. Neftin qiyməti qalxsa büdcənin itkisi az olacaq. Manatın məzənnəsini saxlamaq üçün Mərkəzi Bank ildə 2 milyard manat itirir. Bu uzun dövr davam edə bilməz. İtirilən bu pullar Ermənistanın dövlət büdcəsi qədərdir. Azərbaycan iqtisaddiyatı son 10 ildə sürətli inkişaf yolu keçib. Bunun bir səbəbi də düzgün maliyyə-kredity siyasəti olub. Mən hesab edirəm ki, bunun üzərinə kölgə salmaq olmaz. Mərkəzi Bankın addımları son ildə iqtisadiyyata, sahibkarlıq mühitinə ciddi təsir edib. Manatın məzənnəsinin sürətlə dəyişməsi fonunda bu mümklün olmazdı". Komitə sədri deyib ki, manat dünyada ən güclü valyutalardan biridir: "Bu yaxınlarda 500 yaxın kiçik və orta müəssisələr yaradılacaq. Belə siyasətə ehtiyac var idi. Birmənaklı şəkildə deyirəm ki, bu antiböhran addımı deyildi. Bu sadəcə manatın devalvasiyası ilə bağlı idi. Azərbaycan dövləti güclüdür və mən əminəm ki, xalqımız bu vəziyyətdən çıxacaq". Spiker Oqtay Əsədov bildirib ki, ölkədə ciddi sabitlik mövcuddur. "Bizdə sabitlik olub. Uzun müddət bizdə problem olmaylıb. Ancaq bir şey olan kimi hamı danışır. Dünyanın ən güclü inkişaf edən dövlətlərindən biri Danimarkadır. Orada inflyasiya en həddə qalxıb. Biz tələsməli deyilik. Qiymətlərin artmasına imkan verməıməliyik. Mən dünən iqtisadi inkişaf naziri ilə görüşdüm. Süni qiymət artımım qarşısını almaq üçün sürətli işlər aparılır. Mən əminəm ki, qiymət artımı baş verməyəcək. Qarşıdan Azərbaycan hökumətinin hesabatı gəlir. Bu məsələ hesabat zamanı da müzakirə edilə bilər".