Dollara görə şok qərar verildi
28 Fevral 2015 11:11 (UTC+04:00)
Türkiyənin Mərkəzi Bankı volatilliyin (dəyişkənliyin) artması ilə
əlaqədar gündəlik satış hərraclarının keçirilməsi üzrə tenderlerə
dəyişiklik etmək barədə qərar verib.
Movqe.az Milli.Az-a istinadən xəbər verir ki, Mərkəzi Bank milli
valyutanın sabit saxlanılması üçün müəyyən güzəştlərə gedəcək.
"Valyuta bazarında yaranmış vəziyyətlə əlaqədar fevralın 27-dən
etibarən valyuta hərracları üzrə kompensasiyaların məbləği gündəlik
olaraq müəyyən ediləcək. Belə ki, ehtiyac olarsa gündəlik satış
hərracları 50 fazi artırılaraq 40 milyon dollardan 60 milyon
dollara artırılacaq", deyə MB-nin açıqlamasında bildirilir.
Bu açıqlamadan sonra Türkiyədə dollar dərhal ucuzlaşıb. Belə ki, 1
dollar 2,50 lirədən aşağı düşüb. Qeyd edək ki, Türkiyədə son günlər
dollar kəskin bahalaşaraq 1 dollar 2,51 lirə təşkil edib.