ABŞ Suriya üzərində uçuşa qadağan zonanın yaradılmasını nəzərdən keçirir

14 Avqust 2012 11:14 (UTC+04:00)
ABŞ Əsəd rejiminə təzyiqin bütün variantlarını nəzərdən keçirir və Suriya üzərində uçuşa qadağan zonasının yaradılmasını istisna etmir. Bu barədə Ağ Evin rəsmi nümayəndəsi Cey Karni bəyan edib.
Bir neçə gün öncə Suriya müxalifəti ölkənin Türkiyə və İordaniya ilə sərhədində uçuşa qadağan zonasının yaradılması barədə beynəlxalq birliyə müraciət etmişdi.
Uçuşa qadağan zonası ötən il Liviya münaqişəsində elan edilmişdi və bu məqam sonradan NATO qoşunlarının münaqişəyə birbaşa müdaxilə etmələri üçün formal səbəb olmuşdu.