Cənubi Azərbaycandakı zəlzələdən 155 min nəfər zərər çəkib
14 Avqust 2012 18:27 (UTC+04:00)
İranın Şərqi Azərbaycan vilayətində
baş vermiş zəlzələ nəticəsində 155 min nəfər zərər
çəkib. APA-nın "Fars"
xəbər agentliyinə istinadən verdiyi məlumata görə, bu barədə İranın
Şərqi Azərbaycan vilayətinin Qızıl Aypara Cəmiyyəti açıqlama
yayıb.
Xəbərdə bildirilir
ki, bölgədə meydana gələn son zəlzələdə Əhər, Vərzigan, Heris və
Təbrizə bağlı 180 kəndə ziyan dəyib: "Hazırda 50415 nəfər
təhlükəsiz yerlərdə məskunlaşdırılıb, 2606 nəfər xilas edilib,
yaralı vəziyyətdə xilas edilən 1226 nəfər isə müalicə
olunur".