Obama kralla danışdı

28 Mart 2015 17:08 (UTC+04:00)

Amerika Birləşmiş Ştatları (ABŞ) prezidenti ilə Səudiyyə Ərəbistanı kralı arasında telefon danışığı olub.

Movqe.az-ın Anspress-ə istinadən məlumatına görə, ABŞ prezidenti Barak Obama ilə Səud kralıSalman bin Abduləziz əl-Suud arasında baş tutan danışıqda Yəməndəki vəziyyət müzakirə edilib. Bu barədə Ağ Evin mətbuat xidməti xəbər yayıb.

Açıqlamada bildirilir ki, danışıqda hər iki ölkə arasında güclü dostluq, tərəfdaşlıq əlaqələrinin olduğu vurğulanıb. Yəmən prezidenti Abdurrabbu Mənsur Hadinin tələbi ilə Səudiyyə Ərəbistanı Körfəz Əməkdaşlıq Şurası ölkələri və digərlərinin keçirdiyi əməliyyatı dəstəklədiyini bildirən Obama, həmçinin rəsmi Vaşinqtonun Səudiyyə Ərəbistanına təhlükəsizlik məslələrində kömək edəcəyini də bəyan edib.

Qeyd edək ki, Səudiyyə Ərəbistanı kralı Salman bin Abduləziz əl-Suudun bu gün və sabah keçirilməsi nəzərdə tutulan Ərəb Dövlətləri Liqası sammitində də Yəməndəki vəziyyəti müzakirə edəcəyi gözlənilir.