İsmayıllı meşələri yanır: vertolyotlar qaldırıldı
16 Avqust 2012 20:12 (UTC+04:00)
Bu gün İsmayıllı rayonunda meşəlik
ərazilərdə yanğın başlayıb. Lent.az-ın Fövqəladə Hallar
Nazirliyinin saytına istinadən verdiyi məlumata görə, Tircan və
Qaraqaya kəndləri arasında çətin keçilən dağlıq ərazidə, təxminən,
3 ha kol-kos, quru ot və seyrək ağaclar olan sahə yanır. Yanğının
genişlənərək yaxınlıqdakı meşə zolağına keçmək təhlükəsi
yaranıb.
Yanğın baş verən
əraziyə Fövqəladə Hallar Nazirliyinin Dövlət Yanğından Mühafizə
Xidmətinin və Şimal-qərb Regional Mərkəzinin canlı qüvvəsi və
texnikası, habelə Aviasiya dəstəsinin 2 ədəd vertolyotu cəlb
edilib. Hazırda yanğının söndürülməsi və meşə zolağına keçməsinin
qarşısının alınması üçün müvafiq tədbirlər görülür.