“Rafiq Yüzbaşovun adının əvəzinə yanlış olaraq Nazim Yüzbaşovun adı yazılıb”
26 Avqust 2012 12:47 (UTC+04:00)
"Dünən hazırlanmış press-relizdə yanlış olaraq
rejissor Rafiq Yüzbaşovun adının əvəzinə Nazim Yüzbaşovun adı qeyd
olunub". Azərbaycan Respublikası Kinematoqrafçılar
İttifaqındanAPA-ya daxil olan
məlumatda qeyd olunub.
Qeyd edək ki, dünən Azərbaycan Respublikası Kinematoqrafçılar
İttifaqı bir qrup kinematoqrafçının Rüstəm İbrahimbəyovun sədrlik
etdiyi Azərbaycan Kinematoqrafçılar İttifaqının (AKİ) tərk etməsi
barədə məlumat yayıb.
Məlumatda göstərilib ki, AKİ-ni tərk edən kino işçiləri arasında
əməkdar incəsənət xadimi Fuad Vəlixanov, əməkdar artisti Zemfira
Sadıqova, əməkdar mədəniyyət işçisi Adil Abbasov, kinoşünas
Əlisəftər Hüseynov, rejissor Miri Rzayev, operator Mətləb Yaqubov,
rejissor Nazim Yüzbaşov, prodüser Nadir Əzməmmədov, icraçı prodüser
Akif Əliyev var.
Lakin bu gün rejissor Nazim Yüzbaşovun bir neçə il əvvəl dünyasını
dəyişdiyi məlum olub və bu barədə mətbuatda yazılıb.