Bakı sakininin 735 450 dollarını qarət edən şəxs tutulub
27 Avqust 2012 15:56 (UTC+04:00)
Azərbaycanda külli miqdarda pul
oğurlayan şəxs həbs olunub. APA-nın Daxili İşlər Nazirliyinin saytına
istinadən verdiyi məlumata görə, nazirlik əməkdaşlarının həyata
keçirdikləri əməliyyat-axtarış tədbirləri nəticəsində avqustun
10-da Bakı şəhər sakini Bəhruz Namazovu Yasamal rayonu ərazisində,
tapançaya oxşar əşya ilə hədələyərək, içərisində 735 450 dollar pul
olan çantasını ondan almış Qəbələ rayon sakini Elçin Abdullayev
müəyyən edilərək tutulub.
Araşdırmalar zamanı E.Abdullayevin Sankt-Peterburq şəhərinin Baş
Daxili İşlər İdarəsi tərəfindən Rusiya Federasiyası Cinayət
Məcəlləsinin 222-ci maddəsi ilə (qanunsuz olaraq odlu silah
gəzdirmə) axtarışda olması müəyyən edilib. Cinayətin digər
iştirakçılarının da müəyyən edilərək tutulması istiqamətində
tədbirlər davam etdirilir.