Azərbaycan içki istehsalını artırıb

28 Avqust 2012 20:15 (UTC+04:00)

Bu ilin yanvar-iyul ayları ərzində Azərbaycan içki istehsalını ötən ilin analoji dövrünə nisbətən 14% artıraraq 18 249,2 min dekalitrə çatdırıb.
Dövlət Statistika Komitəsindən "APA-ECONOMICS"ə verilən məlumata görə, hesabat dövründə ölkədə 51,1 min dekalitr şampan, 409,6 min dekalitr araq, 494 min dekalitr üzüm şərabı, 3 147,5 min dekalitr pivə, 48,4 min dekalitr brendi (konyak) və 14 098,6 min dekalitr alkoqolsuz içkilər istehsal olunub.
Ötən ilin yanvar-iyul ayları ilə müqayisədə şampan istehsalı 5,3 dəfə, üzüm şərabı istehsalı 43,5%, pivə istehsalı 15,6%, brendi istehsalı 16,3% alkoqolsuz içkilər istehsalı 12,5% artıb, araq istehsalı isə15,4% azalıb.
Hesabat dövründə ümumi içki istehsalının dəyəri 91 mln. manat təşkil edib ki, bu da ötən ilin ilk yeddi ayına nisbətən 8,7% çoxdur.