"News.am" saytının yazdığına görə, hələ ki, rəsmi İrəvan bu
haqda heç bir açıqlama verməyib.
Digər saytlar isə Ramilin azadlığa çıxmasına görə Ermənistan
hökumətini günahlandırıb və qeyd edilib ki, bu, Azərbaycan
diplomatiyasının uğurudur.
"Janarmenian" saytı isə təhqir dolu məqalə yayımlayıb. Bütün bunlar
göstərir ki, Ramilin azadlığa çıxması Ermənistanı çox ciddi şəkildə
narahat edir.
Ermənistanın Macarıstandakı səfirliyinin əməkdaşı Artur Muşexyan
panarmenian saytına müsahibəsində Azərbaycan zabitinin
ekstradisiyası haqqında fikir bildirməyə çətinlik çəkib:
"Hal-hazırda mən Macarıstan hakimiyyətinin bu məsələyə dair
rəsmi açıqlamasını gözləyirəm. Bu açıqlamadan sonra Ermənistan da
öz mövqeyini bildirəcək".
Qeyd edək ki, bu gün Azərbaycanın Macarıstanda həbsdə olan zabiti
Ramil Səfərov Bakıya ekstradisiya olunub və Prezident İlham
Əliyevin sərəncamı ilə əfv edilib.