"İqtisadi Resursların Öyrənilməsi" İctimai Birliyi, Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə yardımı ilə həyata keçirdiyi "sahibkarlıq subyektlərinn sosial problemlərin həllinə cəlbi" layihəsi çərçivəsində yerli sahibkarlq subyektləri üçün "Korporativ Sosial Məsuliyyəti" adlı seminar keçirmişdir. Tədbirdə QHT sədrləri və əməkdaşları, yerli sahibkarlarlıq subyektləri, dövlət və özəl universitetlərin, beynəlxalq təşkilatların nümayəndələri iştirak edirdi.
Tədbiri giriş sözü ilə Azərbaycan Sahibkarlar Konfederasiyasının baş katibi Məhəmmədəli Əfəndiyev açaraq layihə çərçivəsindəki birgə əməkdaşlıqdan məmnunluq hissi keçirdiyini vurğulayaraq hər kəsə müvəffəqiyyətlər arzuladı. Daha sonra sözü "İqtisadi Resursların Öyrənilməsi" ictimai birliyinin sədri Ruslan Atakişiyev alaraq layihə haqqında qısa məlumat verdi. O, həmçinin layihə çərçivəsində nəşr etdirilən "Biznesin Sosial Məsuliyyəti" adlı kitab haqqında da məlumat verdi. Ardınca Ruslan Atakişiyev seminarın əsas hissəsinə keçid alaraq biznesin sosial məsuliyyətinə yanaşmalar, KSM-in əhatə etdiyi sahələr, korporativ sosial məsuliyyət, biznesin sosial fəaliyyətinin başlıca formasi kimi, KSM sahəsində beynəlxalq təcrübə və əməkdaşlıq, Azərbaycanda biznesin sosial məsuliyyət təcrübəsi, mövcud vəziyyət və perspektivlər mövzularında sahibkarlar mühazirə oxudu. Fasilədən sonra BMT-nin Azərbaycan üzrə nümayəndəsi Hüseyn Hüseynzadə çıxış edərək BMT-nin Qlobal Saziş Şəbəkəsi və onun prinsipləri haqqında iştirakçılara geniş məlumat verdi. Daha sonra isə iştirakçılar birgə xatirə şəkli çəkdirərək növbəti seminarlarda görüşmək üzərə ayrıldılar.