Qənirə Paşayeva bələdiyyə sədrinin qətlindən yazdı
8 İyun 2015 17:08 (UTC+04:00)
Millət vəkili Qənirə Paşayeva
bələdiyyə sədri və həyat yoldaşının dəhşətli qətlindən yazıb.
O, baş vermiş olayla bağlı fikirlərini sosial şəbəkədə
paylaşıb: "Bir az öncə Saray qəsəbəsinin bələdiyyə sədri
Vəsilə xanımın və həyat yoldaşı Vəfadar Əbilhəsənovun yas
mərasimində iştirak etdik. Çox dəhşətli bir faciədir. Ailənin
balaca uşaqlarının bu dəhşətli faciəni görmələri isə bir başqa
dəhşətdir. Sözlə ifadə edilməyəcək qədər ağır bir faciədir.
Allahdan Vəsilə xanıma və həyat yoldaşına rəhmət, əzizlərinə səbr
diləyirik. İnşallah bu faciəni törədən layiq olduğu cəzanı alacaq.
Amma anasız və atasız böyüyəcək o iki günahsız körpənin
içərisindəki acını azaltmaq çox çətin olacaq. Həm də çox çətin.
Allah onlara yardımçı olsun".