Yarışlar C və D qrupları üzrə müvafiq olaraq, Xorvatiya-Türkiyə və İspaniya-Malta matçları ilə start götürüb.
Azərbaycan millisinin çıxışı Rumıniya komandasına qarşı olacaq. Oyun 18:45-də başlayacaq.
C qrupunda həmçinin 20:30-da başlayacaq Monteneqro-Yunanıstan və D qrupunda 11:15-də başlayacaq Serbiya-Slovakiya oyunları keçiriləcək.
Bundan başqa, A qrupunda Rusiya-Ukrayna, İtaliya-Fransa oyunları baş tutacaq.
Bu gün həmçinin qadınlar arasında A və B qrupları üzrə su polosu yarışları keçiriləcək.
A qrupunda Böyük Britaniya-Almaniya, Macarıstan-İsrail və Yunanıstan-Niderland, B qrupunda isə Serbiya-Slovakiya, Rusiya-Fransa və İspaniya-İtaliya qarşıdurmaları keçiriləcək.
Bütün yarışlar Su Polosu arenasında baş tutacaq.