Bu formatın təklif edilməsi Avropa İttifaqının özünün böyük səhvi idi
Rusiya baş nazirinin müavini İqor Şuvalov Avropa İttifaqının "Şərq Tərəfdaşlığı" proqramını Ukraynada hazırkı problemlərin yaranmasına gətirib çıxaran böyük bir səhv olduğunu söyləyib. Bu barədə Movqe.az RİA "Novosti"yə istinadən xəbər verir.
"Şərq Tərəfdaşlığı" gündəliyinin necə inkişaf etməsini uzun illər müşahidə edən şəxs kimi deyə bilərəm ki, bu formatın təklif olunması Avropa İttifaqının böyük səhvi idi və bu səhv Ukraynada bu gün gördüyümüz acınacaqlı nəticələrə gətirib çıxarıb", - Şuvalov Sankt-Peterburq Beynəlxalq İqtisadi Forum çərçivəsində baş tutan Valday klubunun iclasında bildirib.