Bağlanış mərasimi üçün əlavə biletlər olacaq?
25 İyun 2015 13:00 (UTC+04:00)
Avropa Oyunlarının Bağlanış mərasimi üçün əlavə
biletlər satılmayacaq. Movqe.az-ın məlumatına görə, bunu bu gün
keçirilən mətbuat konfransında Avropa Oyunları Əməliyyat
Komitəsinin əməliyyatlar üzrə baş direktoru Saymon Kleq
deyib.
"Bəli, tədbirə maraq böyükdür. Amma bütün
biletlərin satılması o deməkdir ki. bütün yerlər doludur. Buna
görə, təəssüflər olsun ki, əlavə biletlər satılmayacaq", - deyə
Saymon Kleq bildiirb.
O həmçinin qeyd edib ki, sabah 28 minə yaxın
tamaşaçının oyunlara baxmağa gələcəyi gözlənilir. 26 iyun
Azərbaycan Sİlahlı Qüvvələr Günü - qeyri iş günü olduğundan
tamaşaçıların əvvəlki günlərə nisbətən daha aktiv olacağı
gözlənilir.
"Eyni zamanda bu günün yarışlarına bütün biletlər
satılıb", - deyən Saymon Kleq Bakı 2015 Oyunlarının saytına olan
marağın da artdığını bildirib. Onun sözlərinə görə, hər gün sayta 6
milyon insan daxil olur. Bu da 23 faiz artım deməkdir.