İyulun 2-də imtahan verənlərə TQDK-dan xəbərdarlıq
25 İyun 2015 19:00 (UTC+04:00)
Movqe.az xəbər verir ki, 2 iyul
tarixində keçiriləcək imtahanlarda iştirak edəcək şəxslər "İmtahana
buraxılış vərəqəsi" ni çap edə bilərlər. Bu barədə TQDK-dan verilən
xəbərdə bildirilir. Məlumata görə, buraxılış imtahanı üçün
"İmtahana buraxılış vərəqəsi"ni çap etmək
üçünhttps://eservices.tqdk.gov.az/brxvbi/?frm=egov linkinə daxil
olmaq lazımdır. Orta ixtisas təhsili müəssisələrinə ümumi orta
(9-illik) və tam orta (11-illik) təhsil bazasından və ali təhsil
müəssisələrinin 5-ci qrup ixtisaslarına qəbul olmaq istəyən
abituriyentlər isə "İmtahana buraxılış vərəqəsi"
nihttps://eservices.tqdk.gov.az/brxvtex/?frm=egov linkinə daxil
olmaqla çap etməlidirlər. Nəzərinizə çatdıraq ki, imtahana gələrkən
şəxsiyyət vəsiqəsinin əslini və "İmtahana buraxılış vərəqəsi" ni
mütləq özünüzlə gətirməlisiniz.