"Bakı-2015" Oyunlarının bürünc mükafatçısı: "Rio Olimpiadasında Azərbaycan bayrağını yüksəltməyə çalışacağam"

26 İyun 2015 17:30 (UTC+04:00)

Mənim üçün bu irəliyə, Olimpiya medalına doğru atılan böyük bir addımdır

"Çalışacağam ki, mənimçün çox şey etmiş Azərbaycanın bayrağını Rio de Janeyro Olimpiya Oyunlarında yüksəldim. Movqe.az xəbər verir ki, bunu qadınlar arasında 60 kq çəki dərəcəsində boks üzrə I Avropa Oyunlarının bürünc mükafatçısı, Azərbaycan idmançısı Yana Alekseyevna bu gün jurnalistlərə açıqlamasında bildirib.

O, bugünkü "bürünc" medal uğrunda baş tutan döyüşün çox ağır olduğunu qeyd etdi: "Psixoloji və taktiki cəhətdən biz fərqli mübarizə sxemi planlaşdırmışdıq. Mən məşqçimin bütün tösiyələrini yerinə yetirdim. Mənim üçün bu irəliyə, Olimpiya medalına doğru atılan böyük bir addımdır".