Hərəkət istiqamətində dəyişiklik edilən avtobuslar nə vaxt bərpa olunacaq?-ÖZƏL
30 İyun 2015 13:31 (UTC+04:00)
I Avropa Oyunları ilə bağlı hərəkət istiqamətində dəyişiklik edilən
avtobusların əvvəlki xətlər üzrə hərəkətinin bərpası barədə qərar
iyul ayının 3-dən sonra veriləcək. Bu barədə Movqe.az-a "Bakısərnişinnəqliyyatı" MMC-nin Nəzarət
Xidmətin rəhbəri Vüqar İbrahimli məlumat verib. V. İbrahimli deyib
ki, marşurutu qısaldılan avtobusların əvvəlki istiqamət üzrə
hərəkəti məsələsinə komissiyada baxıldıqdan sonra qərar veriləcək.
Xatırladaq ki, I Avropa Oyunları ilə bağlı bəzi avtobusların
hərəkət istiqamətində dəyişiklik edilib, bəzilərinin isə hərəkəti
tam olaraq dayandırılıb. 20, 188, 53 nömrəli marşrut avtobuslarının
xətləri ləğv olunub. Təkmilləşdirmə işləri ilə əlaqədar olaraq, 14
saylı marşrut xətti 24, 90 saylı marşrut xətti 83, 86 nömrəli
marşrutu xətti isə 29 saylı marşrut xətti ilə əvəz olunub.124 saylı
marşrutun hərəkət sxemi isə "20-ci sahə" adlanan əraziyə qədər
uzadılıb. 2 və 193 və saylı marşrut xətti şəhərin mərkəzindən
çıxarılıb. 70 saylı marşrut xəttinin hərəkət istiqaməti
dəyişdirilib. 95 saylı marşrut xətti "Xətai" metro stansiyasına
qədər qısaldılıb. 120 saylı marşrut xəttinə yeni avtobuslar
buraxılıb. 14,32, 25, 90, 53,188 saylı xətlərdə hərəkət edən
avtobuslar tam olaraq yığışdırılıb. 194 saylı marşurut xəti isə I
Avropa Oyunları ilə əlaqədar qısaldııb.