Bu ilin iyul ayı ərzində müştərək müəssisələr və əməliyyat şirkətləri istisna olmaqla Azərbaycan Dövlət Neft Şirkəti (SOCAR) 9 188 metr qazma işi həyata keçirib. Bu barədə Movqe.az-a SOCAR-ın mətbuat xidmətindən məlumat verilib.
Məlumata görə, bu sahədə görülmüş işlərin hamısı istismara aid olub.
Ümumiyyətlə, 2015-ci ilin yanvar-iyul aylarında SOCAR üzrə 62 624 metr qazma işi görülüb ki, bunun da 61 624 metri istismara, 1 000 metri isə kəşfiyyata aid olub.
Qeyd edək ki, iyul ayı ərzində qazmadan alınmış 7 quyu, ilin əvvəlindən isə 42 yeni quyu tikinti ilə başa çatdırılaraq mədənçilərə təhvil verilib.