"Stoke City" klubu növbəti transferini reallaşdırıb. Movqe.az Goal.az-a xəbər verir ki, Toni Pulisin komandası gənc Serxio Molinanı heyətə cəlb edib. Müqavilənin detalları açıqlanmayıb. Molina "Real Madrid"dən "Stoke City"yə keçib. Bu, "zolaqlılar"ın La Liqada çıxış etmiş futbolçular arasında 4-cü transferidir. Daha öncə İbrahim Afellay, Moha, Krkiç və Mark Muniesa da "Stoke City"nin heyətinə qatılmışdı.
Molina 19 yaşlı yarımmüdafiəçidir. O, "Real"ın aşağı yaş qruplarına kapitanlıq edib. Son Gənclər arasında keçirilən Çempionlar Liqasında 6 oyun keçirən futbolçu sarı vərəqə ilə cəzalandırılmayıb.