İxtisas seçimi başa çatır-Bu gün
11 Avqust 2015 11:54 (UTC+04:00)
Ali təhsil müəssisələrinin müsabiqəsində iştirak
etmək hüququ olan abituriyentlərin ixtisas seçimi bu gün başa
çatır. Movqe.az-ın Tələbə Qəbulu üzrə Dövlət Komissiyasının mətbuat xidmətinə istinadən verdiyi məlumata görə,
avqustun 10-a olan məlumata əsasən, ümumilikdə 43 min 87
abituriyent elektron ərizəsini təsdiqləyib.
Onlardan 34 min 749 nəfəri ali məktəblərin I, II,
III və IV ixtisas qrupları üzrə, 8 min 338 nəfəri V ixtisas qrupu
üzrə qəbul olmaq istədiyi ixtisasları öz elektron ərizəsinə daxil
edərək təsdiqləyib. Xatırladaq
ki, ixtisas seçimi bu gün saat 23:59-da başa çatacaq. Abituriyentlər
müsabiqədə iştirak etmək üçün göstərilən vaxta qədər öz ixtisas
seçimi ərizəsini təsdiqləməlidirlər. Əks təqdirdə onlar müsabiqədə
iştirak edə bilməyəcəklər.