Pakistanda məktəbə silahlı hücum edilib
3 Oktyabr 2012 15:48 (UTC+04:00)
Movqe.Az bildirir ki, Pakistanın
Əfqanıstan sərhədi yaxınlığındakı Xayber bölgəsində dövlət
məktəbinə silahlı hücum təşkil edilib. Yerli rəhbərlikdən gələn
xəbərə əsasən, Xayberin Novşera qəsəbəsindəki liseydə
reallaşdırılan hücumda məktəb binasına ziyan dəyib. Hücumun
məktəbdə şagirdlərin olmadığı zaman baş verməsi səbəbiylə can
itkisi olmayıb. Taliban xadimlərinin olduqca təsirli olduğu Xayber
bölgəsində son üç ildə 100-dən çox məktəb terror hücumlarına məruz
qalıb. Taliban təşkilatı xalqa təzyiq göstərərək uşaqların dövlət
məktəblərində təhsil almasına qarşı çıxır.