Movqe.az xəbər verir ki, "Times" qəzeti Avropadakı qaçqın böhranı ilə əlaqədar səhifəsində Türkiyədən Yunan adalarına üzərək keçən bir Suriyalı qaçqının hekayəsinə yer verib.
Xəbərdə Hesham Moadamani adlı 24 yaşındakı Suriyalı gəncin Almaniyaya getməyə çalışarkən başına gələnlər yazılıb. Xəbərə görə Moadamani Türkiyəyə getmədən əvvəl bir çox ölkələrdə olub və çox müxtəlif çətinliklərlə qarşılaşıb.
Times Moadamaninin səfərini qısa şərhlə belə yazıb:
"İlk dayanacağı Livan idi. Ancaq həyat bahalılığı onun Misirə davam etməsinə səbəb oldu. Burada iş tapa bilmədiyi üçün Suriyaya döndü ancaq hökumətin nəzarətində olan bir bölgədə yaşayan ailəsi bir araya gələ bilmədi.
"Yenidən ölkədən ayrıldı və üç dəfə İordaniya sərhədini keçməyə cəhd etdi. Sonunda sərhədi keçdi, amma həbs olundu və pasportuna əl qoyuldu. Pasportunu geri verməsi üçün bir səlahiyyətli şəxsə rüşvət verənə qədər orada qaldı. Tez-tez istifadə olunan, Türkiyə Avropa səfərini gerçəkləşdirdi və 1 İyulda Almaniyaya çatdı. "
Times Moadamaninin salafan paketə qoyduğu lazer qələm, cib telefonu və pasportuyla Türkiyədən bir Yunan adasına üzməsini isə belə şərh edir:
"Bir çox Suriyalıdan fərqli olaraq üzməyi bilirdi. Hərçənd, həyatında daha əvvəl yalnız iki dəfə üzmüşdü. Bundan sonra, Avropaya getmək üçün 5 kilometr üzmək tək çarəsi idi. Pulu qutarmışdı və qaçaqmalçıların rezin botlarındakı bir yer üçün istədikləri 1000 dolları toplama şansı yox idi.
"Bədəninin suya girdiyi saniyədən etibarən bu suyun səfərinin sonu olacağını düşündü. Moadamani "Adaya doğru baxdım və bura həyatımın sonu olacaq deyə düşündüm" deyir. Moadamani, üç il yarım davam edən, 11 fərqli ölkəyə qaçışının ardından indi Alman şəhəri Hamburgda qaçqınlıq müraciəti edib.
"Adaya çatdığında dimdik dənizə enən qayalarla qarşılaşdı. Adaya çıxmaq qeyri-mümkün idi. Bu görə yaxında bir gəmi görüncəyə qədər üzməyi davam etdirdi və əlindəki lazer qələmiylə kömək üçün siqnal verdi. Yunan sahil təhlükəsizliyi, onu Avropa sahillərinə apardı."
Times Moadamaninin Türkiyədən Yunanıstana üzərək keçən ilk qaçqın olduğunu deyib.