“Ölkədə yeni telekanal və radiostansiyaların açılmasına hazırlıq gedir”
3 Oktyabr 2012 19:29 (UTC+04:00)
"Azərbaycanda telekanalları sayı yetərinsə olsa da, hesab edirik
ki, biz dayanmamalıyıq. Ölkədə yeni televiziya kanalları və
radiostansiyaların açılmasını dəstəkləməliyik. Bununla bağlı artıq
hazırlıq işlərinə başlanıb". APA-nın xəbərinə görə, bunu Milli
Televiziya və Radio Şurasının (MTRŞ) sədri Nuşirəvan Məhərrəmli
bildirib. N. Məhərrəmli xüsusən regionlarda yeni telekanalların və
radiostansiyaların açılmasına böyük ehtiyac olduğunu vurğulayıb:
"Azərbaycanda televiziya sahəsində həm ümumrespublika, həm də
regional yayımçılar var. Amma radiostansiyalar sahəsində regional
yayımçılar yoxdur. Bununla bağlı dönüş yaratmaq istəyirik. Yaxın
vaxtlarda bununla bağlı müsabiqə elan olunacaq."