Səudiyyədə neft şirkətinə məxsus bina yanıb: 2 ölü, 105 yaralı

30 Avqust 2015 16:00 (UTC+04:00)

Yanğın "Saudi Aramco" əməkdaşlarının yaşadığı binada baş verib

Bu gün səhər saatlarında Səudiyyə Ərəbistanının Əl-Xubar şəhərində neft şirkəti əməkdaşları üçün nəzərdə tutulmuş "Radium" yaşayış kompleksində güclü yanğın baş verib.

Movqe.az "Reuters"ə istinadən xəbər verir ki, hadisə nəticəsində iki nəfər ölüb, daha 105 nəfər xəsarət alıb.

Hadisə "Saudi Aramco" neft şirkətinə məxsus binanın zirzəmi qatında baş verib. Bina sakinləri təxliyə edilib.