Asiya İnkişaf Bankını Azərbaycanda iqtisadi artımla bağlı proqnozu
5 Oktyabr 2012 14:05 (UTC+04:00)
Asiya İnkişaf
Bankı (AİB) Azərbaycan üzrə ÜDM ilə bağlı proqnozunu
yeniləyib.
"APA-ECONOMICS"in məlumatına
görə, AİB-in dərc etdiyi yenilənmiş "Asian Development Outlook
2012" hesabatında qeyd olunub ki, 2012-ci ilin sonunda Azərbaycanda
ÜDM-in artım tempi 3%, 2013-cü ildə isə 3,5% təşkil edəcəyi
gözlənilir.
AİB sonuncu analoji hesabatını cari ilin aprel ayında dərc edib və
həmin hesabatda Azərbaycanda ÜDM-in artım tempinə görə proqnoz
2012-ci il üçün 4,1%, 2013-cü il üçün isə 3,5% səviyyəsində
götürülüb.
Göründüyü kimi, 2012-ci il üçün AİB-in Azərbaycanda ÜDM-in artım
tempinə görə proqnozu 1,1 faiz bəndi endirilib, 2013-cü il üçün isə
dəyişməz qalıb.
Xatırladaq ki, bu ilin yanvar-avqust aylarında Azərbaycanda ÜDM-in
illik artım tempi 1,3% təşkil edib.
"APA-ECONOMICS"in məlumatına
görə, AİB-in dərc etdiyi yenilənmiş "Asian Development Outlook
2012" hesabatında qeyd olunub ki, 2012-ci il üzrə Azərbaycanda
inflyasiyanın səviyyəsi 6,5%, 2013-cü ildə isə 6% təşkil edəcəyi
gözlənilir.
AİB sonuncu analoji hesabatını cari ilin aprel ayında dərc edib və
həmin hesabatda Azərbaycanda illik 2012-ci il üçün 9%, 2013-cü il
üçün isə 8,5% səviyyəsində proqnozlaşdırılıb.
Göründüyü kimi, AİB-in Azərbaycanda inflyasiya proqnozu 2012-ci və
2013-cü illərin hər biri üçün 2,5 faiz bəndi endirilib.
Qeyd edək ki, bu ilin yanvar-avqust ayları ərzində Azərbaycanda
1,7%-lik inflyasiya qeydə alınıb.