Azərbaycanda Koreyanın Hərbi Attaşelik aparatı təsis edilib

7 Sentyabr 2015 22:00 (UTC+04:00)

Koreya Respublikası Silahlı Qüvvələrinin Hərbi Attaşelik aparatının ölkəmizdə təsis edilməsi münasibətilə iki dövlətin Müdafiə nazirliklərinin nümayəndələri arasında görüş keçirilib.


Azərbaycan Müdafiə Nazirliyinin mətbuat xidmətindən Movqe.az-a verilən məlumata görə, görüş zamanı regional təhlükəsizlik məsələləri, müdafiə sahəsində ikitərəfli əməkdaşlığın perspektivləri, xüsusilə təhsil sahəsində əməkdaşlığın inkişaf etdirilməsi müzakirə edilib və qarşılıqlı maraq doğuran digər məsələlər barədə fikir mübadiləsi aparılıb.