Salat suriyalılar üçün artıq əlçatmaz yeməyə çevrilib
6 Oktyabr 2012 18:05 (UTC+04:00)
Movqe.Az bildirir ki, Keçən il Mart
ayından bəri hadisələrin davam etdiyi Suriyada bəzi tərəvəzlərin
qiyməti 5 qat artıb. Suriyalılar xiyar, pomidor, kahı kimi
tərəvəzləri artıq ala bilmirlər. Tərəvəz ala biləcək pulu tapa
bilməyən suriyalılara Kənd Təsərrüfatı naziri Subhi Abdullah da
fərqli bir təklif gəlib. Abdullah, suriyalılar artıq öz
tərəvəzlərini özləri yetişdirməli və öz heyvanlarını
bəsləməlidirlər. Suriyanın müharibə şəraitində olduğunu söyləyən
Abdullah, bütün resursların bir yerdə toplanması lazım olduğunu
bildirib. Bununla birlikdə avtomobil satıcıları və texnologiya
mağazalarında işləyənlər də artıq heç satış edə bilmədiklərini,
xalqın yalnız yemək-içmək kimi təməl məhsullara pul xərclədiyini
bildiriblər.